Поранешниот холандски премиер Марк Руте е назначен за нов шеф на НАТО.

Одлуката доаѓа додека војната во Украина беснее на нејзиниот праг и неизвесноста надвисна околу идниот однос на Соединетите Држави кон трансатлантската алијанса.

Веста за назначувањето на Руте ја објави и досегашниот генерален секретар на Алијансата, Јенс Столтенберг.

I warmly welcome #NATO Allies' choice of @MinPres Mark Rutte as my successor. Mark is a true transatlanticist, a strong leader and a consensus-builder. I wish him every success as we continue to strengthen NATO.

I know I am leaving NATO in good hands.https://t.co/D0ass7fKiL

— Jens Stoltenberg (@jensstoltenberg) June 26, 2024

„Топло го поздравувам изборот на сојузниците на НАТО да го изберат Марк Руте за мој наследник. Марк е вистински трансатлантичар, силен лидер и создавач на консензус. Му посакувам секој успех додека продолжуваме да го зајакнуваме НАТО“ напиша Столтенберг на Икс.

Назначувањето на Руте стана формалност откако неговиот единствен ривал за оваа функција, романскиот претседател Клаус Јоханис, минатата недела објави дека се откажал од трката, бидејќи не успеал да добие доволно поддршка.

Се очекува Руте официјално да ја преземе одговорноста на самитот на лидерите на НАТО во Вашингтон на 9-11 јули, што се совпаѓа со 75-годишнината на НАТО.

Честитки упати и претседателката на Европската комисија, Урсула фон дер Лајен, која на Икс напиша дека „со нетрпение очекува да ја започне соработката“ со Руте.

Congratulations, dear Mark Rutte, on being elected as the new @NATO Secretary General.

Your leadership and experience will be crucial for the Alliance during these challenging times.

I look forward to working with you to further strengthen the EU-NATO partnership.

— Ursula von der Leyen (@vonderleyen) June 26, 2024