Шпанскиот мотоциклист Марк Маркез е победник на квалификациите за Големата награда на Италија во Муџело.

Маркез денеска испиша историја, бидејќи ова е негова 100-та квалификациска победа, негова 72-ра во „кралската“ класа од шампионатот Мото ГП.

Го постави најбрзиот круг со Дукати со време од 1:44.169, додека неговиот клупски колега, Италијанецот Франческо Бањаја, го освои второто место со заостанување од 0,059 секунди.

Помладиот брат на Марк Маркез, Алекс, кој вози за Гресини, го освои третото место.

Зад Алекс ќе стартува Фабио Квартаро, а меѓу првите 10 се и Маверик Вињалес, Франко Морбидели, Дабио ди Џанантонио, Педро Акоста, Алекс Ринс и Марко Бецеки.

Шесткратниот светски шампион Марк Маркез во најсилната класа и лидер во шампионатот ќе ја има најдобрата стартна позиција за денешниот спринт од 15.00 часот, како и за трката закажана за утре од 14.00 часот.