Поранешниот амбасадор и функционер на ВМРО-ДПМНЕ, Марјан Ѓорчев, вечерва во „Само вистина“ на „Канал 5“ ја повика ЕУ „да ги признае своите грешки“ и да го прифати предлогот на актуелната власт – Бугарите да се внесат во Уставот кога земјава ќе ги заврши преговорите за членство во Унијата.

„ЕУ мора да ги признае своите грешки, а тоа се нејзините сегашни елити, но тие нема да ги признаат – тоа го можеше да го признае Меркел. ЕУ сега треба да го промени ставот дека „да“ да гласаме во Парламентот и да ги внесеме Бугарите во Уставот кога ќе ги завршиме преговорите. Сега, не мора да се оди и пие кафе, но нека се изведе преку фондовите. Европа треба да го промени начинот на делување, ако може Русија да преговара со САД и Европа, требаше поинаку да се однесува“, рече Ѓорчев.

„Ние усвојуваме европски вредности половина век, а Бугарија 37 години по нас. Сега некој затоа е член на ЕУ и само заради тоа што е член државата треба да ја разобличите за да влезете и вие во неа. Треба да влеземе стабилни во ЕУ, како Исланд да кажеме дека ќе влеземе во ЕУ ако се почитува нашата идентичност, човекови права и во земјите надвор од Макеоднија и да кажеме дали ни одговара ваквото членство или не“, додаде тој.