Властите во Мариупол одлучија да ја запрат евакуацијата на цивилите од градот поради руското гранатирање.

Заменик-градоначалникот на Мариупол Серхиј Орлов за Би-Би-Си изјави дека Мариупол е под постојано гранатирање, исто како и самата рута за евакуација.

„Не е безбедно да се оди по тој пат поради борбите“, рече тој.

Градскиот совет на Мариупол соопшти дека полицијата со мегафони и звучници ги информира граѓаните за одложување на евакуацијата.

Во соопштението се наведува дека во тек се преговори со руската страна за повторно воспоставување на примирје и обезбедување безбеден хуманитарен коридор од градот.