Во врска со патувањето на грчкиот премиер Киријакос Мицотакис во Вашингтон за учество на Самитот на НАТО што ќе се одржи таму, започна денешниот брифинг на владиниот портпарол Павлос Маринакис за политичките уредници во Грција.

Владиниот претставник, одговарајќи на новинарско прашање, потврди дека Кирјакос Мицотакис на Самитот на НАТО ќе го постави прашањето за почитувањето на Договорот од Преспа од страна на Северна Македонија.

„Нашата соседна земја не ја почитува ниту првата страница“ од Договорот, рече тој.

Одговарајќи на новинарско прашање дали се планира средба со турскиот претседател , Павлос Маринакис рече дека нема ништо планирано.

-Можно е на Самитот да има билатерална средба меѓу Мицотакис и Ердоган “. Павлос Маринакис истото го одговори и за можна средба со премиерот на Северна Македонија.

На дневен ред на Самитот ќе биде зајакнувањето на одбранбените капацитети на Алијансата и најголемиот придонес од европските земји членки на НАТО и Канада за спроведување на обврските за инвестиции во одбраната, потврда за поддршката на Украина, како и соработка на НАТО со партнери како што се Европската Унија и ИндоПацификот 4 – Австралија, Јапонија, Нов Зеланд, Јужна Кореја.

-Во однос на посветеноста на трошоците за одбрана кои ќе достигнат најмалку 2% од БДП, Грција е во сржта на сојузничките земји кои го надминуваат овој процент. Премиерот, всушност, заедно со својот полски колега достави предлог за европски штит за противвоздушна одбрана што ќе се финансира со европски ресурси и ќе го зајакне европскиот столб на НАТО, рече Маринакис.

Тој ги потврди планираните средби на грчкиот премиер Мицотакис кој ја предводи грчката  делегација на Самитот на НАТО во Вашингтон каде што веќе отпатува. Според она што го кажа Маринакис, грчкиот премиер во вторник, на 9 јули, во 12.15 часот (по американско време) е гостин на Советот за надворешни односи, каде што ќе има јавна дебата со Даниел Спекхард, поранешен амбасадор на Соединетите Американски Држави во Грција.

Во среда, во 11:30 часот (по американско време), непосредно пред почетокот на Самитот, тој ќе има јавна дискусија во рамките на Јавниот форум на НАТО со Надја Сендлоу, поранешен заменик советник за национална безбедност на САД.

Конечно, во среда вечер премиерот ќе седне на вечерата приредена од претседателот и првата дама на САД во чест на лидерите.

По завршувањето на работата на Самитот на НАТО во Вашингтон, грчкиот премиер се сели во Њујорк, каде во петок на 12 јули во 11.15 часот ќе има средба со генералниот секретар на ОН Антонио Гутереш.

Можно е Мицкоски и Мицотакис воопшто и да не се ракуваат во Вашингтон, пишува грчкиот печат