Во врска со учеството на грчкиот премиер на 75. состанок на НАТО, портпаролот на грчката влада Павлос Маринакис го започна брифингот на политичките уредници.

– Киријакос Мицотакис се осврна на кипарското прашање, нагласувајќи дека 50 години по трагедијата од 1974 година, Кипар, земја членка на ЕУ, не може да остане поделен и ја повтори потребата од рестартирање на разговорите за решавање на кипарското прашање. Истовремено, тој се осврна и на прашањето за почитување на Договорот од Преспа, нагласувајќи дека негова целосна имплементација е неопходна за НАТО алијансата и за Западен Балкан – информираше Маринакис.

Тој го цитираше грчкиот премиер и неговото предупредување дека прекршувањето или селективното почитување на Договорот од Преспа не само што го поткопува кредибилитетот на сите напори за решавање на отворените прашања во Западен Балкан, туку и ја загрозува безбедноста во поширокиот регион.

-Pacta sunt servanda, договорите мора да се чуваат. Ова мора сите да го паметиме – рече вчера грчкиот премиер.

Маринакис денеска потсети дека Нова демократија не гласала за конкретниот договор бидејќи има празнини во заштитните мерки и одредби, нагласувајќи дека овој став денеска е оправдан.

„Поради оваа причина, ние не ги ратификувавме протоколите што произлегуваат од договорот, ниту ќе го направиме, доколку соседната земја не ги почитува обврските што ги презеде. Сепак, очигледно е дека напредокот, безбедноста и просперитетот се засноваат на почитување на меѓународното право и меѓународните договори и сè додека нашите соседи не го сфатат тоа, нивната европска перспектива ќе остане затворена“, нагласи тој.

Мицкоски од Вашингтон: Помина времето на корупирани политичари кои би прифатиле секакво понижување ставено на маса