Измина повеќе од една година откако на 31-годишна возраст нè напушти младата докторка Марија Бунда Калпак, која три години се бореше со канцер на дојка. Нејзината приказна можеби не беше успешна, но таа остави силна порака зад себе.
Уште на самиот почеток ја сподели својата приказна за карцином на дојка кој го откри на 28 години, за да ја зголеми свеста за оваа болест и да придонесе кон раното откривање. Во нејзина чест и за да се продолжи мисијата што самата ја започна, но и да се продолжи од таму каде што таа застана оформено е здружение со име „Марија – Провери се“.

Слушнете ја иницијативата на д-р Ивона Јованоска се сестра на Марија во интервју на „Слободен печат“.

Новинарот Мартин Богатиновски дава свое видување на блокадата која стои пред македонската евроинтеграција, но говори и за други дневно-политички теми кои го окупираат нашето секојдневие.

И за крај приказната на Крис Иванов кој Македонија ја напуштил кога бил дете, но само телесно. Му останала душата во Прилеп. Целиот живот го поминал во Америка. Растен без татко во првите десет години од неговиот живот, но и без дедо кој бил затворен од комунистите, Крис заедно со мајка му и сестра му одат за Америка.

Гледајте „Слободен печат“ секој работен ден во 9 часот наутро.