Според податоците објавени од „Биторент“, „Мандалоријан“ е најпиратираната серија во измината година.

Според анализа направена од веб-страницата „Торент фрик“, „Игра на троновите“ била најпиратирана серија седум години по ред. Но таа заврши во 2019 година, а „Мандалоријан“ пристигна истата година.

Во 2019 серијата продуцирана од „Дизни плус“ била трета по ред, а минатата година ја презеде титулата најсимнувана серија. Овој „успех“ ја покажува големата популарност на серијата. Платформата „Дизни плус“ има над 80 милиони претплатници според податоци од декември, а постои малку повеќе од една година. За споредба, „Нетфликс“ постои 13 години и има 190 милиони претплатници.

На листата со најпиратирани серии во 2020 се најдоа и „Момците“, „Вестворлд“, „Викинзи“, „Ѕвездени патеки: Пикард“, „Рик и Морти“, „Живи мртовци“, „Аутсајдер“, „Стрелата“ и „Флеш“.