Манчестер сити го комплетираше трансферот на францускиот фудбалски бисер, Рајан Черки, кој пристигнува од редовите на Олимпик Лион. Англискиот шампион за услугите на 20-годишниот офанзивец ќе плати 36 милиони евра, со можност сумата да се зголеми за уште 6 милиони преку бонуси.

Черки се обврза на петгодишна верност кон „граѓаните“, со договор што ќе трае до јуни 2030 година.

„Среќни сме што можеме да го соопштиме потпишувањето со Рајан Черки“, се наведува во официјалното соопштение на клубот од Етихад.

Младиот Французин зад себе има одлични настапи за националниот тим, а особено се истакна на спектакуларниот меч против Шпанија, кој заврши со пораз од 5-4 за „триколорите“, но со блескаво издание на Черки.

Овој трансфер е уште еден доказ за намерата на Сити да го зацврсти својот тим со млади и перспективни играчи, кои ќе бидат носители на играта во годините што следуваат.

Претходно ,,граѓаните” го потврдија трансферот на Аит Нури од Вулвс.