Манчестер јунајтед ќе добие 20 милиони евра за Смолинг
Крис Смолинг после голема неизвеност која траеше уште од стартот на преодниот рок, денеска е и полноправен член на римската „волчица“.
Препорачано
Манчестер јунајтед и Рома до самиот крај водеа разговори околу цената, дали да биде 15 или 18 милиони евра, на крајот Италијанците ја исполнија желбата на „црвените ѓаволи“.
Клубот од „Олд Трафорд“ за продажбата на 30-годишниот централен бек ќе добие 20 милиони евра. Овој искусен дефанзивец играше како позајмица минатата сезона во Рома со 30 настапи и три голови.
Вкупно 10 години беше дел од Јунајтед, ја носеше и капитенската лента двапати ја освои Премиер лигата, а по еднаш ФА купот, Лига купот и Лига Европа.
– После 10 години служба на „Олд Трафорд“, Крис Смолинг го напушти Манчестер јунајтед за да се приклучи на Рома на постојан договор. Ти благодариме и со среќа во Италија – објавија од Манчестер јунајтед.
After 10 years of service at Old Trafford, @ChrisSmalling has left #MUFC to join Roma on a permanent deal.
Thank you and good luck in Italy, Chris ❤️
— Manchester United (@ManUtd) October 5, 2020
Воедно како што информира Манчестер јунајтед, во јануари ќе пристигне еден од најголемите италијански фудбалски таленти Амад Диало (18) од Аталанта. Ова десно крило од Брегот на Слоновата коска има 18 години, на дебито во Серија А реализираше гол во првиот од трите настапи минатата сезона.
? We have reached an agreement with Atalanta for the future transfer of Amad Diallo, subject to a medical, personal terms and work permit. ?#MUFC
— Manchester United (@ManUtd) October 5, 2020
