Малолетничка од основно училиште на подрачјето на Бит Пазар, подолг период добивала закани од двајца соученици дека физички ќе го нападнат нејзиниот помал брат, кој е лице со здравствени проблеми, доколку не им даде пари.

Таа била принудена и во повеќе наврати им давала пари, а од дома вкупно земала 25 илјади евра.

Како што соопшти Министерството за внатрешни работи, случајот бил пријавен во петокот во 00:30 часот во СВР Скопје од нејзиниот татко, 52-годишен жител на Скопје.