Францускиот претседател Емануел Макрон денес го предупреди Израел дека никаква офанзива или обид за анексија на Појасот Газа нема да го спречи процесот на признавање на палестинската држава.

„Ниту една офанзива, обид за анексија или трансфер на население нема да го запре процесот што го започнавме со престолонаследникот и на кој веќе му се придружија бројни партнери“, изјави Макрон по разговорите со саудискиот престолонаследник Мохамед бин Салман, пренесува Ле Монд.

Тој ја осуди и одлуката на САД да не издаваат визи за палестинските претставници за Генералното собрание на ОН, нарекувајќи ја „неприфатлива“.

„Апелираме мерката да се поништи и да се дозволи палестинско претставување во согласност со договорот за седиштето на ОН“, додаде францускиот претседател.