Францускиот претседател Емануел Макрон денес објави дека Франција ќе испрати три борбени авиони „Рафал“ за да помогне во заштитата на воздушниот простор на Полска, како дел од соработката со НАТО, по серијата инциденти со руски беспилотни летала на полска територија.

„По упадот на руски беспилотни летала во Полска, решив да распоредам три борбени авиони „Рафал“ за да придонесам за заштитата на полскиот воздушен простор и источниот крило на НАТО, заедно со нашите сојузници“, рече Макрон на платформата X.

Тој додаде дека ја презел оваа „обврска“ вчера во разговор со полскиот премиер Доналд Туск и дека разговарал за ова прашање со генералниот секретар на НАТО, Марк Руте, и британскиот премиер Кир Стармер, кои се исто така ангажирани во одбраната на источното крило.

„Безбедноста на европскиот континент е наш апсолутен приоритет. Нема да попуштиме пред растечкото заплашување од Русија“, рече Макрон.