Машката сениорска ракометна селекција на Македонија обезбеди пласман на Европското првенство што ќе се одржи во Данска, Норвешка и Шведска во периодот од 15 јануари до 1 февруари 2026 година.

Нашите најдобри ракометари денеска од 19.00 часот со жрепка во Хернинг, Данска, ќе ги дознаат ривалите на континенталниот шампионат.

Жрепката во живо можете да ја следите на официјалниот јутјуб-канал на Европската ракометна федерација ТУКА

Македонија е во третиот шешир заедно со Австрија, Холандија, Црна Гора, Чешка и Полска кои не можат да ни бидат ривали во прелиминарната фаза на ЕП.

Вкупно 24 репрезентации ќе бидат поделени во шест групи од по четири репрезентации за прелиминарната фаза.