Пораз па победа за македонската машка јуниорска кошаркарска репрезентација на гостувањето во Беране на двете пријателски средби против соодветната селекција на Црна Гора.

Многу подобро издание на македонските јуниори на втората проверка, и на крајот, како награда, стигна победата (71:66).

Домашната селекција имаше доста подобар почеток, ја реализираше првата четвртина во своја корист (20:12). Бевме подобри во вториот, анулиравме дел до негативата, но на полувремето Црна Гора имаше предност (37:34).

Пресвртот јуниорската репрезентација на Македонија го направи во третиот период од играта во кој го преземавме водството, по 30 минути игра беше 49:46 за нашата јуниорска селекција.

Во 35 минута од играта имавме уште повисоки 58:53, кои ги задржавме и во оние последни пет. Јаничиќ повторно беше прв поентер во нашата репрезентација, капитенот реализираше 18 поени, седум скокови и четири асистенции,

Ново добро издание имаше Данев, кој освен 15. поени запиша и 10 скокови, а дабл-дабл учинок реализираше и Димовски од 10 поени и 11 скокови.