Младиот македонски тенисер Марко Алексовски ја постигна и втората победа на турнирот во германскиот град Дурен. Тој денеска во меч од второто коло на турнирот за играчи до 14 годии (кој е од Супер категорија) го совлада Паоло Каричио од Италија со 2:1 во сетови (4:6, 6:3, 7:5) за нешто помалку од два часа и 30 минути игра.

Алексовски успеа да направи пресврт во мечот откако противникот поведе со 1:0 во сетови, македонскиот тенисер ги доби следните два со конечни 2:1 и се избори за нов триумф.

Нашиот натпреварувач во третото коло ќе игра против Рафа Гарсија Доменех од Шпанија.

Денеска го очекува уште еден меч во конкуренција на двојки со Андрија Мартиновиќ од Босна и Херцеговина ќе играат против Итан Џејк Франс (Индонезија) и Сијун Ким (Кореја).

Алексовски е дел од тимот на ITF-Tennis Europe кој е финансиран од Grand Slam Development Fund, а е за играчи на негова возраст.