Младиот македонски тенисер Александар Грујиќ заедно со Аликсандр Виарсоцки триумфираа на турнирот за играчи до 16 години „Црна Река Опен 2025“ што се играше во Кавадарци.

Тие двајцата во финалето во интересен меч ја совладаа грчко-српската комбинација Александрос Авгерис – Павле Стоиљковиќ (втори носители) со 2:1 во сетови (6:4, 3:6, 10:8 на поени).

Претходно во полуфиналето беа подобри од првите носители Марко Алексовски (Македонија) и,Лука Луковац (Црна Гора) со 6:3, 7:5.

Забележителен настап во поединечна конкуренција имаше и Анастасија Арсовска која настапот го заврши во полуфиналето.

Арсовска беше поразена од првата носителка Ена Илиќ од Србија со 2:0 во сетови, откако претходно имаше победи против Викторија Митова од Бугарија и Французинката Артемис Анастесиадис.