Македонскиот народен театар соопшти дека во знак на солидарност и општествена одговорност, ги отвора вратите за членовите на семејствата повредените во пожарот во Кочани, кои се лекуваат во скопските болници.

„На семејствата кои имаат потреба да останат во Скопје и да бидат до своите најблиски, Македонскиот народен театар ќе им овозможи престој односно сместување во гримиорните и апартманите“, велат од театарот.

Во катастрофалниот пожар кој синоќа ја проголта дискотеката „Пулс“ во Кочани, според последните информации загинаа 59 млади луѓе, а 155 се повредени и згрижени во болниците во Скопје, Штип и Кочани.