Бразилски државјанин бил приведен на скопскиот аеродром при обид да шверцува два килограми кокаин. Бразилецот со иницијали Д.С.А.Д. признал дека бил ангажиран од македонски државјанин за надомест од 5.000 евра да го изврши транспортот на дрогата од Сао Пауло до Скопје.

„Дрогата е пронајдена при претрес на лицето и тоа во внатрешноста на еден од двата куфери што ги носел бразилскиот државјанин. Претресот е извршен од страна на Мобилен тим со царинско куче во соработка со полициски службеници од Одделот за криминалистичка полиција – Сектор за недозволена трговија со дрога, оружје и опасни материи, СВР Скопје – единица за недозволена трговија со дрога оружје и опасни материи, СВР Скопје – единица за недозволена трговија и Полициската станица за граничен надзор „Меѓународен аеродром- Скопје“ “, информираат од Царинска управа.

Кокаинот бил запленет, а ќе биде поднесена кривична пријава против четири лица кои се инволвирани во организирањето и вршење на транспорт на околу два килограми кокаин.