Македонската таеквондистка Душица Бреслиева успешно го продолжува својот настап на Европскиот младински олимписки фестивал Скопје 2025.

По стартниот триумф над Норвежанката Матеа Тведт Јакобсен од Норвешка (2:0), Бреслиева во второто коло ја совлада Украинката Анастасија Хаиворонска со 2:1 во категоријата -55 кг.

Противничка на нашата натпреварувачка во четвртфиналето ќе биде Карла Сесар од Шпанија.

Сесар во првите две кола оствари победи против Софи Луис од Швајцарија (2:0) и Јулија Помпер од Австрија (2:0).

Христијан Симоновски загуби во првото коло против Кристофер Вунш од Луксембург (2:1) во категоријата -63 кг., а пораз доживеа и Андреј Василевски во второто коло во категоријата -55 кг. против Абдерахман Тујар од Италија (2:0).