Младиот македонски репрезентативец Рубин Стефанов и официјално е претставен како нов играч на познатиот италијански клуб.

Нашата кошаркарска надеж во следните две години ќе го носи дресот на Канту. Во италијанскиот клуб македонскиот кошаркар ќе настапува за екипите „Под 16“ и „Под 19“ години.

Претходно, во текот на ова лето беше Стефанов беше на проба во евролигашот Армани Милано, но се одлучи на договор со клубот од Канту.

Пред почетокот на пандемијата предизвикан од коронавирусот, Стефанов, роден 2005 година, играше за екипата на Римини Крабс.

Потоа, една сезона беше дел од тимот на Ангели од Скопје, од каде одново се врати во Италија. Стефанов веќе доби дозвола за настап и наскоро ќе го одигра првиот меч за младите селекции на клубот од Канту.