На Медитеранското карате првенство што викендов се одржува во Гвадалахара, Шпанија, македонските репрезентативки во дисциплината кати на песок, Владанка Аврамова и Данка Стојкова, со своите настапи успеаја да освојат бронзени медали.

Во истата категорија првото место го освои Клаудија Калдерат Кампос од Шпанија, пред второпласираната Катарина Влаховиќ од Црна Гора.

Овој значаен резултат претставува ново признание за македонското карате и потврда за квалитетот, упорноста и посветеноста на нашите натпреварувачки.

Карате федерацијата на Македонија им упатува искрени честитки на Аврамова и Стојкова за постигнатиот успех и им посакува уште многу спортски достигнувања на меѓународната сцена.

На Медитеранското првенство освен од Македонија и домаќинот Шпанија, има и натпреварувачи од Албанија, Алжир, Босна и Херцеговина, Хрватска, Кипар, Египет, Франција, Грција, Италија, Косово, Црна Гора, Португалија, Србија и Турција, или вкупно 582 каратисти од 16 земји.