Меѓународниот тинк-тенк, Институтот за економија и мир, го објави овогодинешниот глобален Индекс за мир (GPI). Македонија се најде на 51-то место, што претставува пад од четири позиции во споредба со лани.

Во регионот најдобро рангирана е Словенија, која го зазеде 9-то место. Потоа следуваат Хрватска (19), Бугарија (29) и Црна Гора (34). Зад Македонија се Албанија (52), Грција (57), Босна и Херцеговина (59), Косово (63) и Србија (64).

Исланд повторно е прогласенa за најмирна земја во светот, задржувајќи го првото место на листата. Земјата е воедно трета најсреќна според Извештајот за светска среќа и една од најпосакуваните туристички дестинации на северната хемисфера.

На дното на листата, на 163-то место, е Русија, која првпат е означена како најмалку мирна земја во светот.

Индексот опфаќа 163 независни држави и територии и ги рангира според ниво на социјална сигурност, обем на домашни и меѓународни конфликти и степен на милитаризација.