Репрезентацијата на Македонија до 19 години ја победи Чешка со 28:22 и така го освои деветтото место на Светското првенство во Хрватска.

Момците на Раде Стојановиќ одиграа одлично и така го остварија најдобриот резултат досега во оваа возрасна група. Уште од самиот старт денес Македонија наметна одлично темпо, водевме со 7:3 и 13:9, но Чесите успеаа да се вратат и до паузата намалија на 13:11.

Како и во досегашните натпревари на Мундијалот, Македонија не си дозволи пад во вториот дел и заслужено ја однесе победата.

Најдобар во нашите редови беше мирче Калајџиски кој го заврши натпреварот со 12 гола од 14 обиди, осум постигна Давид Димевски, четири Марио Стојановски, додека Давид Брестовац собра 10 одбрани.

Грузија, Црна Гора, Австрија, Унгарија и Чешка се репрезентациите кои Македонија ги победи на ова Светско првенство додека загубивме од Данска и Норвешка.