Македонија и Црна Гора заеднички ќе аплицираат да бидат дел од онлајн системот за плаќање ПејПал. Оваа информација ја соопшти црногорскиот министер за јавна администрација Дукај Мараш на владина седница и додаде дека претстои важна посета на Скопје поради што предложил предлог платформа за средба со македонскиот министер.

Ова е многу важна посета, се работи за склучување на меморандумот на двете министерства на Црна Гора и Северна Македонија со цел дигитализација и безбедност на информациите. Исто така, идеја е Црна Гора заедно со Северна Македонија да аплицираат за ПејПал, што беше предложено од самата компанија, рече тој.

Мараш информира дека ПејПал предложил двете земји заедно да аплицираат за да имаат поголеми шанси да станат дел од таа мрежа за онлајн плаќања, пренесуваат црногорските медиуми.

На Црна Гора во моментов и е овозможен ПејПал трансфер на пари само во една насока, односно при плаќање на стоки и услуги преку Интернет. Добивањето пари преку оваа платформа сè уште не е можно, што претставува значајна бариера за сите оние кои планираат да работат онлајн.