Сениорската женска ракометна репрезентација на Македонија во првиот натпревар одигран во СЦ „Борис Трајковски“ загуби од Украина со 22:24 во баражот за пласман на Светското првенство кое ќе се одржи годинава во три земји Данска, Шведска и Норвешка.

Реванш мечот ќе се игра денеска од 17.00 часот во унгарскиот град Кишварда. Судии ќе бидат Ана Вранеш и Марлис Венингер од Австрија.

Селекторот на нашата селекција Љубомир Савевски за возвратниот дуел ќе има на располагање 16 ракометарки:

– Диневска, Гакидова, Јанеска, Џатевска, Дукоска, Ѓорѓиевска, Терзиќ, Јанкуловска, Мицевска, Кипријановска, Ристовска, Саздовска, Гичевска, Коцева, Дамјаноска, Николиќ.

Македонските ракометарки не се предаваат, ќе го дадат максимумот и веруваат дека противникот не е поквалитетен во овој мундијалски бараж двомеч. Македонија ќе се обиде да го обезбеди своето шесто учество на светските првенства, последен пат тоа го направи во 2007 година.