Советникот за национална безбедност на САД, Мајк Волц, рече дека ја презема „целосната одговорност“ за вклучувањето на главниот уредник на Атлантик Џефри Голдберг во приватен разговор на високо ниво на апликацијата за пораки Сигнал, во кој се дискутираше за воените планови на Америка.

„Ја преземам целосната одговорност. Јас ја создадов оваа група. Мојата работа е да се погрижам се да биде координирано“, изјави Волц во интервју за Фокс њуз.

На прашањето како го добил телефонскиот број на Голдберг, Валц изјавил дека бројот на новинарот случајно бил наведен под туѓо име, имено името на личноста која планирал да ја вметне во групата Сигнал.

-Дали некогаш сте имале нечие име наведено во вашите контакти, а потоа имате нечиј број таму? Да? Имате нечиј број под туѓ контакт. Значи, се разбира, не го видов овој губитник во групата. Тој изгледаше како некој друг. Сега се обидуваме да откриеме дали тоа го направил намерно или дали тоа се случило на некој друг технички начин“, рече Волц.

Тој не ја именуваше личноста што сакаше да ја додаде во разговорот, туку рече дека личноста за која мисли дека е во разговорот никогаш не била таму. Волц го поддржа и американскиот секретар за одбрана Пит Хегсет.

Иако советникот на Трамп тврди дека информациите споделени во групата за разговор Сигнал не се доверливи, тој вели дека би сакал Голдберг да не ги објави целосните текстови на пораките.

Тој додаде дека разговарал со Илон Маск за протекувањето и ветил дека прашањето ќе го истражат „најдобрите технички умови“.

Американскиот претседател Доналд Трамп претходно изјави дека го поддржува советникот за национална безбедност Мајкл Волц откако главниот уредник на Атлантик, Џефри Голдберг случајно бил додаден во приватен разговор на високо ниво на апликацијата за пораки Сигнал, во кој се разговарало за воени планови.

„Мајкл Волц ја научи лекцијата и е добар човек“, рече Трамп во телефонско интервју за Ен-би-си њуз“. Самиот Валц рече дека никогаш не се сретнал или разговарал со главниот уредник на Атлантик, Џефри Голдберг.

Се верува дека бројот на Голдберг бил додаден во групата од вработен во администрацијата на Трамп, дознава Фокс њуз.

Според изјавата на високи функционери, инцидентот вклучува објавување на американските планови за напад на Јемен на 15 март, во групен разговор на највисоките функционери во американската претседателска администрација, во кој наводно по грешка бил вклучен и уредникот на порталот Атлантик, пренесува Танјуг.