Луксембург издаде предупредување дека афлатоксин е пронајден во производ од Србија, беше објавено на веб-страницата на Европскиот систем за брзо предупредување и известување за храна (РАСФФ). Како што е наведено, станува збор за соино брашно, а консумирањето на овој производ би претставувало сериозен ризик за здравјето на луѓето. Кон средината на јули, Германија пронајде вируси на хепатитис А во овошје од Србија, потсетува Данас.

Во меѓувреме, како што јавува Н1 Словенија, Компанијата Састела го повлекла од продажба прехранбениот производ „празнично крем тесто“ во пакување од 1.250 грама поради неправилно означена декларација, бидејќи на етикетата не е наведено присуство на ф’стаци, кои претставуваат ризик за луѓето чувствителни на јаткасти плодови.

Компанијата ги замолува клиентите да ги информираат за вкупната количина на производи во нивните продавници и количината во нивниот централен магацин. Потрошувачите кои се алергични на јаткасти плодови или ф’стаци не треба да го консумираат производот и да го вратат на местото на купување. Потрошувачите кои не се алергични на јаткасти плодови можат да го консумираат производот без ризик.