Македонскиот таеквондо клуб Феникс-Кик настапи со двајца натпреварувачи на меѓународниот натпревар Подгорица Опен Е1 во Црна Гора.

Лука Ангелов се закити со сребрениот медал во категоријата -68 кг., во првото коло оствари триумф над Адис Хусејновиќ од Босна и Херцеговина со 2:0 во рунди.

Во второто коло имаше победа против Димириод Митсос од Грција, а во финалето против Енес Душку од Црна Гора поради повреда во втората рунда Ангелов мораше да ја предаде борбата.

Давид Цеков во истата категорија беше поразен во првото коло, а од клубот информираат дека имало огромна судиска грешка која беше пресудна за поразот на македонскиот таеквондист.

– Ова е огромен успех за олимпиското таеквондо. Нови бодови на светската ранг-листа за нашите натпреварувачи. Следен викенд учествуваме на Европските квалификаци за Гранд при кој треба да се одржи на крајот од годината – објавија од таеквондо клубот Феникс-Кик.