Светскиот шампион во Формула 1 е избран за најдобар спортист на Европа за 2019. година во традиционалниот 62. по ред, во изборот на новинските агенции.

Во гласањето кое го организира полската агенција („ПАП“), Луис Хамилтон од Велика Британија триумфираше по третпат во кариерата пред шпанскиот тенисер Рафаел Надал и австрискиот скијач Марсел Хиршер.

Минатогодишниот лауреат, српскиот тенисер Новак Ѓоковиќ заврши на четвртата позиција, додека португалскиот фудбалер Кристијано Роналдо е дури на 18. позиција.

Најдобри 20 спортисти на годината во Европа:

1. Луис Хамилтон (Велика Британија, Формула 1) – 151 поен
2. Рафаел Надал (Шпанија, тенис) – 140
3. Марсел Хиршер (Австрија, скијање) – 76
4. Новак Ѓоковиќ (Србија, тенис) – 71
5. Сифан Хасан (Холандија, атлетика) – 69
6. Виржил Ван Дајк (Холандија, фудбал) – 61
7. Карстен Вархолм (Норвешка, атлетика) – 47
8. Марк Маркез (Шпанија, мотоциклизам) – 47
9. Јанис Адетокумбо (Грција, кошарка) – 46
10. Јохан Тингнес Бе (Норвешка, биатлон) – 44
11. Тереза Јохауг (Норвешка, нордиско скијање) – 43
12. Дина Ашер-Смит (Велика Британија, атлетика) – 32
13. Катина Хосу (Унгарија, пливање) – 31
14. Марија Ласикене (Русија, атлетика) – 27
15. Адам Пити (Велика Британија, пливање) – 22
16. Лука Дончиќ (Словенија, кошарка) – 22
17. Јоханес Клаебо (Норвешка, нордиско скијање) – 22
18. Кристијано Роналдо (Португалија, фудбал) – 19
19. Никлас Каул (Германија, атлетика) – 18
20. Стефанос Чинсиас (Грција, тенис) – 17