Легендарниот бразилски фудбалер Нејмар би можел да стане уште побогат, откако медиумите во Бразил објавија дека е единствениот наследник на богатство вредно речиси една милијарда долари, оставено од човек кого никогаш не го запознал.

Бизнисмен од сојузната држава Рио Гранде до Сул, кој починал во јуни 2025 година, во својот тестамент целото свое богатство му го оствавил на 33-годишниот напаѓач. Според официјалните документи, имотот е проценета на околу 1.000.000.000 долари, а тестаментот е заверен во нотарска канцеларија во Порто Алегре, во присуство на двајца сведоци и заменик нотар.

Починатиот бизнисмен, кој целиот живот го поминал сам, без сопруга и деца, во документот нагласил дека одлуката ја носи „во полна свест и без никаква присила“.

Ми се допаѓа Нејмар. Многу се идентификувам со него. Тој не мисли само на себе, што денес е вистинска реткост“ напишал во тестаментот, додавајќи дека врската на фудбалерот со неговиот татко го потсетува на односот кој тој го имал со својот.

Нејмар засега не се огласил во врска со случајот, а конечната одлука дали ќе стане легален наследник ќе ја донесат бразилските судови.

Инаку, Нејмар веќе се вбројува меѓу најбогатите фудбалери на светот, со имот кој се проценува на повеќе од 1,138 милијарди долари, а со ова наследство би можел значително да го зголеми своето богатство.