Францускиот сенатор Клод Малире денеска одржа говор во францускиот Сенат, во кој остро ја критикуваше моменталната состојба на американската политика и нејзиното влијание врз глобалните настани, особено врз војната во Украина.

Малире го спореди Вашингтон со дворот на императорот Нерон, го нарече Трамп „луд император“ и го опиша Илон Маск како „дворски лудак на кетамин“, пренесуваат медиумите.

„Вашингтон стана дворot на Нерон, со император-пироман, покорни дворјани и дворски шут на кетамин задолжен за чистење на државната администрација“, рече тој, алудирајќи на признанието на Маск дека ја користел дрогата.

„Бевме во војна со диктатор, сега сме во војна со диктатор поддржан од предавник“, рече Малире, додавајќи дека верува оти одлуките на Трамп практично ги усогласиле САД со Путиновата Русија, што дополнително ќе го усложни конфликтот во Украина.