Се очекува репрезентативецот на Србија, Сергеј Милинковиќ-Савиќ да биде во центарот на вниманието во текот на следниот летен преоден рок.

Членот на Лацио е „мета“ на голем број европски клубови, со римските „небесно-сини“ со кој има важечки договор до 30 јуни 2024 година.

Моментно според „Трансфермаркт“ пазарната вредност на Србинот е 70 милиони евра.

Без разлика на шпекулациите дека Манчестер јунајтед и Пари Сен Жермен испратиле конкретни понуди за играчот, но најверојатно нема наскоро да се раздели со Лацио,

Претседателот на клубот, Клаудио Лотито, тврди дека Милинковиќ-Савиќ не е на продажба.

-Сергеј не е на продажба. Минатата година одбивме понуда вредна 140 милиони евра за него – рече Лотито, кој не ја исклучи целосно можноста за продажба, односно сериозно ќе ги разгледува поголемите понуди.