Во земјите од Европската Унија, во јуни се регистрирани 1,01 милиони нови патнички автомобили, што претставува намалување од 7,3% во споредба со истиот месец, објави денес Здружението на европски производители на автомобили (ACEA). Вкупните регистрации во поширокиот европски регион – ЕУ, Велика Британија и земјите од ЕФТА (Исланд, Лихтенштајн, Норвешка и Швајцарија) се намалија за 5,1% на 1,24 милиони возила.

Падот доаѓа во време кога производителите се справуваат со слабеењето на побарувачката, растечката конкуренција од Кина и сè порестриктивната регулаторна рамка за возила со внатрешно согорување. Најголемите пазарни губитници во јуни се традиционалните производители. Групацијата Фолксваген забележа пад на продажбата од 6,1% на годишно ниво, Стелантис 12,3%, Хјундаи 8,7%, додека Рено регистрираше минимален пад од 0,6%.