Мечувалката Вивијан Ман Ваи од Хонг Конг освои злато на ЛОИ Париз 2024 EPA-EFE/RITCHIE B. TONGO

ЛОИ 2024: Ако сте олимписки шампион од Хонгконг, добивате 768.000 долари и бесплатен билет за јавниот превоз

Многу држави на своите олимписки медалисти им доделуваат големи парични награди, но и други погодности и премии само да ги стимулираат за што повеќе трофеи

Олимписките трофеи се многу важни за меѓународна (не само спортска) промоција на земјите, па затоа повеќе држави нудат привлечни премии во пари и други награди да ги стимулираат своите спортисти да освојат медали. Така е и на Летните олимписки игри Париз 2024.

Најширока рака што се однесува до паричните награди, изгледа има Хонгконг кој великодушно доделува 768.000 долари на секој свој освојувач на златен медал. За сребро и за бронза Хонгконг дава малку помали суми, а интересно е што дава 100.000 долари за четврто место или 50.000 долари за петто до осмо место?!

Ако сте учесник на ЛОИ 2024 од Хонгконг, ќе добиете доживотен билет за јавниот превоз.

Израел е исто така великодушен, за злато дава 275.000 долари, за сребро 192.000 долари, а за бронза 137.000 долари. Во екипните спортови златниот медал исто така носи 275.000 долари, но тие се делат помеѓу играчите. Наградите се ослободени од данок.

Нашиот северен сосед Србија доделува парична награда од 218.000 долари за златен медал. Србите и Србинките кои освоиле златни, сребрени или бронзени медали добиваат национална месечна пензија која започнува да се доделува на 40-годишна возраст…

Италијанските олимпијци можат да бидат задоволни затоа што злато од ЛОИ 2024 им носи премија од 196.000 долари. Тоа важи и за поединечните спортиви, но и за секој член од тимот од екипните спортови. Олимписко сребро во Италија носи 98.000 долари а бронза 65.000 долари.

Некои земји на поинаков начин ги стимулираат своите олимпијци. Јужна Кореа на пример, за било каков олимписки медал, своите спортисти ги ослободува од 18 месеци задолжителна воена служба.

Олимписките златни медалисти од Полска добиваат 58.000 евра, но и двособен стан, дијамант, слика, ваучер за одмор… За сребро и за бронза во Полска се добиваат малку помала сума и други материјални добра…

Во Боцвана прогласен државен празник по освоениот златен медал на Тебого

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот