Ливерпул подготвува понуда за играчот на Реал Мадрид, Орелиен Чуамени, а „Црвените“ се подготвени да понудат 70 милиони фунти.

Јирген Клоп го посакуваше Чуамени уште минатото лето, кога Французинот реши да се пресели во Мадрид за слична сума. На Ливерпул дефинитивно му требаат играчи од средниот ред, а Чуамени е една од желбите во следниот преоден рок.

Овој 23-годишен фудбалер сезонава настапи на 35 натпревари за „кралевите“ во сите натпреварувања.

Французинот има три асистенции, од кои сите дојдоа во неговите настапи во „Ла Лига“.

Ливерпул има интерес и за Џуд Белингем, фудбалерот на Борусија Дортмунд, но во оваа трка клубот од „Енфилд“ има сериозна конкуренција од гиганти како Реал Мадрид и Манчестер сити.