Фудбалерот на ПСЖ, Лионел Меси на лето ќе го напушти францускиот клуб, откако управата го суспендираше на две недели, бидејќи без дозвола отпатува за Саудиска Арабија.

Договорот на Меси истекува на крајот од сезоната, а се шпекулира дека раководството на париските „светци“ не сака да ја продолжи соработката со 35-годишниот Аргентинец.

Меси побарал дозвола од клубот за патување во Саудиска Арабија поради спонзорски обврски, во два наврати го одложуваше летот за да чека дозвола, но не ја доби.

Отпатува во Саудиска Арабија, поради што беше суспендиран на две недели и ќе ги пропушти два првенствени натпревари против Троа и Ајачио и ќе му биде одземена платата од две недели. Воедно му е забрането да тренира со тимот додека трае суспензијата.

Се шпекулира дека Меси ќе се врати во Барселона, каде ги имаше најголемите успеси во кариерата, а за него се заинтересирани и бројни американски клубови. До сега за ПСЖ одигра 71 меч во сите натпреварувања, постигна 31 гол и запиша 34 асистенции.

? Messi will leave Paris Saint-Germain at the end of the season. There are no doubts about that anymore.

Behind the scenes, it’s now understood that Leo’s father Jorge communicated the decision to PSG already one month ago due to the project.

It was the final breaking point. pic.twitter.com/Bwehuvyq1E

— Fabrizio Romano (@FabrizioRomano) May 3, 2023