Филмот „Чуден петок“ го доби своето продолжение по повеќе од 20 години, а Линдзи Лохан, која во тоа време беше тинејџерска ѕвезда, повторно ја заинтригира јавноста. Имено, триесет и деветгодишната актерка неодамна, во ТВ-шоуто „Во живо со Кели и Марк“  проговори за својот приватен живот.

Откри зашто го напушти Холивуд пред повеќе од 10 години и се пресели во Дубаи, објави „Пејџ Сикс“.

– Многу е далеку од Холивуд и можам да живеам нормален живот – рекла Лохан.

Таа изјавила дека нема грижа дали некој ќе ја фотографира неа или нејзиниот син на улица. Кога водителката Кели ја прашала дали има папараци таму и дали ја фотографираат додека е, на пример, во ресторан, Лохан одговори:

– Не, тоа не е легално. Не можеш да фотографираш некого ако си во ист ресторан. Мора да побарате дозвола од лицето, што е многу различно од овде – изјави Логан, што ја шокираше водителката, а потоа додаде:

– Да, приватноста е клучна.

Лохан живее во Дубаи од 2014 година. Таа се омажи за финансиерот Бадер Шамас во 2022 година, а една година подоцна добија син.

Лохан претходно зборуваше за тоа колку е тешко да се живее под рефлекторот на јавноста, а во 2018 година рече дека може да „направи 99 добри работи и една лоша работа, и дека таа лоша работа ќе биде она на што сите ќе се фокусираат“.

– Можам да бидам најдобрата верзија од себе, тоа никогаш нема да се спомене. И јас сум човек, и јас правам грешки. Но, тоа е она за што сите секогаш зборуваат, додаде таа.