Најдобрата македонска тенисерка, Лина Ѓорческа, оствари значителен напредок од 32 позиции на најновата ВТА листа објавена утринава.

Како резултат на пласманот во финалето на турнирот во Букурешт, Ѓорческа сега се наоѓа на 207. место во светот, а враќањето во топ-200 е сè поблиску. Доколку вчера ја победеше Лили Тагер во мечот за титулата, ваквиот успех ќе беше уште поголем, но уште има простор за напредок до крајот на сезоната.

Ѓорческа бележи импресивен напредок во последниот месец – од средината на август, кога се наоѓаше на 355. место, до сегашното 207. место. Најдобриот пласман во нејзината кариера е 170. место, што го оствари во 2017 година.