Шпанскиот премиер Педро Санчез повторно стана жртва на протекување на лични податоци, што овој пат ги погоди и другите членови на владата, како и политичарите низ целата земја, според извори од истрагата што ја води Националната полиција.

Ова е веќе трет случај на протекување на лични податоци на политичари, а освен премиерот Санчез, објавени се и податоците на девет министри и членови на Конгресот, пишува мадридскиот весник „Разон“.

Регионалните лидери, како што се премиерите на Андалузија и Екстремадура, се исто така на списокот на засегнатите, а објавени се и личните податоци на поранешниот градоначалник на Барселона, како и на три илјади членови на партијата Подемос.