Либанската влада ѝ наредила на армијата да подготви план за ставање на целото оружје под државна контрола до крајот на годината – што би значело и разоружување на Хезболах и другите вооружени групи во земјата, пренесе Ројтерс.

Премиерот Наваф Салам го објави предлогот денеска на седница на кабинетот, на која според либанските медиуми, главна тема било токму разоружувањето на Хезболах – во согласност со барањата на Соединетите Американски Држави.

Иако предлогот е ставен на маса, премиерот додаде дека дискусијата за ова чувствително прашање е одложена и ќе продолжи на следниот состанок на владата, закажан за четврток.