На социјалната мрежа фејсбук се појави настан креиран од извесен Винариј Анчевфски со кој се повикува на протест пред ДИК на 18 јули со наслов „Протест против изборниот грабеж врз Левица“.

Притоа, настанот е ислустриран со изборниот материјал од Левица на чело со Димитар Апасиев, на која се носителите на листите во изборните единици на парламентарните избори, поради што и настанот се поврзува со партијата.

Сепак, синоќа на официјалната Фејсбук страница на Левица се појави известување со кое се укажува дека тие не се креатори на настанот и дека се работи за лажен профил и се бара од членството да го пријават.

Исто така, оттаму наведуваат дека денеска Левица ќе поднесува приговори до ДИК, поради извршените неправилности, и како што тие велат, украдени гласови.