Фудбалската федерација на Полска потврди дека Чеслав Михневич повеќе не е селектор на националниот тим.

Полска успеа на Светското првенство да ја помине групната фаза и да стигне до осминафиналето каде што не можеше против финалистот Франција. Осминафиналето не беше доволно за Михневич да остане на селекторската функција.

„Му се заблагодаруваме на Чеслав Миневич за 11-месечната работа.   тој го презеде тимот во многу тешко време. И покрај овие околности, тој успеа да се пласира на Светското првенство во плеј-офот, како и да одржи место во елитната дивизија на Лигата на нации. Исто така, ја предводеше репрезентацијата до осминафиналето на Светското првенство за првпат по 36 години. Поради тоа заслужува благодарност, му посакуваме среќа и успех во понатамошната кариера“, изјави првиот човек на полскиот фудббал, Кулеш.