Досегашниот министер за надворешни работи на Латвија, Едгарс Ринкевичс, беше избран за нов претседател на земјата денска во парламентот. Тој 12 години беше шеф на летонската дипломатија.

„Ќе направам се за да ја направиме нашата земја просперитетна и безбедна“, рече Ринкевичс по гласањето во парламентот. Тој јавно се изјасни како геј во 2014 година и беше првиот политичар во Латвија што го стори тоа. Политичката моќ во балтичката земја главно е сконцентрирана во Владата и премиерот, додека летонскиот претседател има главно церемонијална улога.

Летонија е членка на ЕУ и НАТО и силно ја поддржува Украина во војната против руската агресија и нејзиниот пристап во ЕУ и НАТО. Украинскиот претседател Володимир Зеленски му честиташе на Ринкевичс на изборот, велејќи дека тој е „вистински пријател на Украина“.

Пред да стане министер за надворешни работи, Ринкевичс работел како надворешнополитички аналитичар за јавното „Латвијас Радио“, а потоа во Министерството за одбрана и во Кабинетот на претседателот.