Прашањето дали треба да се протестира или да се дебатира за насилството врз лекарите ги скара белите мантили. Откако Здружението на млади лекари најави дека во среда организира протест поради тоа што во само неколку дена имаше дури 4 напади на лекари од Лекарската комора стигна абер дека денеска ќе има дебата на истата тема. Тоа од Здружението на млади лекари го толкуваат како обид да се саботира протестот.

„ЛКМ отворено работи очигледна политичка агенда, денес организираат дебата на Медицински, во 10 часот, на која ќе присуствуваат министри за здравство, МВР и правда, а АСМЛ и Синдикат не се поканети!Протестот ќе се случи, а вие повеќе не сте добредојдени! А јас лично ќе ви дојдам и непоканет!“, напиша на Фејсбук Ненад Лазаров од Здружението.