Aнатолиј Тимошчук, легендата на украинскиот фудбал се соочи со многу проблеми откако одби да го напушти рускиот Зенит по агресијата на оваа земја врз неговата Украина.

Тимошчук и покрај тоа што неговата земја остро ја осуди агресијата на Русија тој остана да работи во младинските категории на Зенит. Поради тоа на Тимошчук уште претходно му беа избришани сите рекорди во укранискиот фудбал и му беше одземена тренерската лиценца издадена од украинскиот фудбалски сојуз.

Најновата одлука која ја донесе претседателот Володимир Зеленски е забрана за влез во Украина. Тимошчук се најде на листата на 100 јавни личности за кои Зеленски потпиша декрет.

Тимошчук во кариерата го носеше дресот на Волин, Шахтер, Зенит, Баерн Минхен и Каират, додека за репрезентацијата собра 144 настапи. Во следните десет години тој нема да може да влезе во Украина.