Двократниот добитник на Оскар, актерот Џин Хекман (95), и неговата сопруга Бетси Аракава (63) се пронајдени мртви во нивниот дом во Санта Фе. Исто така, и нивното куче било пронајдено мртво во домот, пишува „Индепендент“.

Според шерифот на округот Санта Фе, Адан Мендоза, не се сомнева на насилство.

Во изјава за „Санта Фе Њу Мексикан“, Мендоза изјави дека двојката починала околу полноќ на 27 февруари, но не ја спомена причината за смртта.

„Сакам да ја уверам заедницата и соседството дека нема непосредна опасност за никого“, додаде шерифот.

Reclusive Gene Hackman, 94, and wife Betsy Arakawa, 62, spotted in first public outing together in decades https://t.co/BQeQX2eo2c pic.twitter.com/c3lhKD5glB

— New York Post (@nypost) March 29, 2024

Хекман се прослави во филмот „Бони и Клајд“ („Bonnie & Clyde“) во 1967 година, играјќи еден од криминалните соработници на Ворен Бити и Феј Данавеј. Потоа, Хекман се појави во низа успешни филмови, освојувајќи го својот прв Оскар за улогата на Џими „Попај“ Дојл во „Француската врска“ („The French Connection“), а потоа следеа хитови како „Плашило“ („Scarecrow“) со Ал Пачино и „Авантурите на Посејдон“ („ The Poseidon Adventure“).