Големата награда на Аргентина е дел од Мото ГП шампионатот повеќе од 60 години, но од 2027 година ќе доживее историско враќање на легендарната патека во Буенос Аирес.

Во 21. век, трките во Аргентина се одржуваа на модерниот автодром „Термас де Рио Ондо“, но со тоа се завршува – бидејќи од 2027 година трките повторно ќе се возат на легендарната патека „Оскар и Хуан Галвес“, која се наоѓа во предградие на Буенос Аирес.

Оваа патека беше домаќин на трки од Мото ГП шампионатот уште од 1961 година, со неколку прекини, сè до 1999 година. Потоа Аргентина излезе од календарот, но се врати повторно во 2014 година.

Од тогаш па наваму, со неколку исклучоци, големата награда на Аргентина се возеше исклучиво во Термас де Рио Ондо, а според најновите информации – трката што се одржа оваа година била и последна на таа патека. Во 2026 година Аргентина ќе направи пауза, а потоа – во 2027 – се враќа во Буенос Аирес.

Инаку, најуспешен возач на трките во Аргентина е Марк Маркез, кој има четири победи, последната токму оваа година.