Легендарниот возач во американската автомобилистичка серија Индикар, Вил Пауер, се исмева со Формула 1, нарекувајќи ја „шега“, поради, според него, недостигот на вистинска конкурентност при трките во борбата за титулата.

Сезонава во Формула 1 е во својата прва половина, а веќе Макс Верстапен и Ред Бул имаат огромна предност и тешко е да се замисли дека некој ќе ги загрози на патот до титулите.

Според Пауер тоа е ситуација за жалење, а во Индикар конкурентноста е многу поголема и шансите за сите возачи да се истакнат се повозможни.

– Формула 1 е шега што се однесува до конкурентноста, но не и до возачите. Таму имаат извонредни возачи. И чувствувам сожалување кон нив, бидејќи немаат шанса да искусат задоволство како што имаме ние во нашево натпреварување кое е во голема мерка отворен спорт – вели Пауер.

Во Ф1 речиси е невозможно за сите да се натпреваруваат со Верстапен, кој победи на сите освен на две трки сезонава и е во огромна предност во генерален пласман.

Техничките карактеристики на автомобилите на Формула 1 се круцијални, а умешноста на возачите паѓа во втор план, смета легендата на Индикар, кој вози за тимот Пенске.