Авиобилет илустрација/ Фото Ale Ventura / PhotoAlto / Profimedia

Лажни авиобилети и измама во Цирих: Босанец инкасирал 10.000 франци месечно!

Маж по потекло од Босна и Херцеговина, кој има и швајцарско државјанство, е осуден на две години условна казна откако беше откриено дека повеќе од две години продавал лажни авионски билети на аеродромот во Цирих, предизвикувајќи штета од повеќе од 140.000 швајцарски франци.

Пресудата ја донесе окружниот суд во Билах, Швајцарија, а судијата јасно кажа дека се работи за „свесна и злонамерна измама со цел незаконски стекнување имот“.

Според локалните медиуми, обвинетиот првично продавал билети преку шалтер на терминалот 2 на аеродромот во Цирих, а подоцна договорил продажба преку директни средби со потенцијалните патници.

„Нудеше попусти ако му донесеме нови клиенти“

Вкупно измамил 50 лица, а четворица од нив се појавиле на судењето. Една жена раскажала како морала да позајми пари од роднина за билетот и јасно кажала: „Ја сакам секоја марка назад до последниот цент“.

Најголем дел од измамените патници доаѓале од Балканот и често купувале билети за летен одмор во татковината. Измамникот  им ветувал дополнителни попусти на оние кои ќе му „донесат нови клиенти“, со што дополнително ја проширил мрежата на жртви.

Иако постапувал неофицијално, обвинетиот им издавал потврди за резервација на своите жртви, што дополнително создавало впечаток на легитимност. Сепак, билетите никогаш не биле примени.

Судот констатира дека мажот „намерно, свесно и упорно манипулирал со луѓе“, му изрече условна казна од две години, со обврска да ги обештети повредените патници.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот